«Динамо» жамоаси Тошкентда йиғин бошлади
Тошкентдаги йиғинда «Машъал» (3 феврал) ва «Орол» (5 феврал) жамоаларига қарши назорат баҳсида майдонга тушади.
Фото: Динамо ПФК
«Динамо» клуби икки кунлик дам олишдан кейин бугун, 1 февралдан Тошкентда ўқув-машғулот йиғинига киришди.
Самарқанд жамоаси 16-29 январ кунлари Бирлашган Араб Амирликларида дастлабки ўқув-машғулот йиғини доирасида 4та ўртоқлик учрашуви ўтказиб қайтгач, 30-31 январ кунлари жамоага дам берилди, 1 февралдан эса пойтахтда тайёргарликни бошлади.
Вадим Абрамов мураббийлигидаги жамоамиз 1-6 феврал кунлари Тошкентдаги йиғинда «Машъал» (3 феврал) ва «Орол» (5 феврал) жамоаларига қарши назорат баҳсида майдонга тушади.
6 феврал куни эса Тошкент – Дубай авиарейси орқали иккинчи хориж йиғинини ўтказиш учун Бирлашган Араб Амирликларига жўнаб кетади. БААдаги йиғин ва рақиблар ҳақида яна батафсил маълумот берилади.
Розикжон Султонмуродов
Журналист