«Динамо» «Зенит»га қарши майдонга тушади
Янги мавсумга БААда тайёргарлик кўраётган «Динамо» жамоаси 2-йиғин доирасидаги дастлабки ўйинни Санкт-Петербургнинг «Зенит» клубига қарши ўтказади.
Учрашув Россия клуби таклифига кўра, Абу-Даби шаҳрида бўлиб ўтади. «Динамо» жамоаси бугун ушбу баҳсда майдонга тушиш учун Дубайдан БАА пойтахти томон йўлга отланади. Россияннинг 10 карра чемпиони саналмиш Сергей Семак бошчилигидаги жамоа ва Вадим Абрамов шогирдлари икки йил аввал ҳам Абу-Дабида ўзаро учрашганди.
«Зенит» - «Динамо» ўртасидаги халқаро ўртоқлик учрашуви маҳаллий вақт билан соат 16:00да, Тошкент вақти билан соат 17:00да бошланади. Ўйин жонли эфирда намойиш этилиши режалаштирилган.
Халқаро ўртоқлик ўйини. Абу-Даби
9 феврал (душанба)
«Зенит» (Россия) - «Динамо» (Ўзбекистон)
Ўйин бошланиш вақти: 16:00 (БАА), 17:00 (Ўзб).
