«Dinamo» «Zenit»ga qarshi maydonga tushadi
Yangi mavsumga BAAda tayyorgarlik ko‘rayotgan “Dinamo” jamoasi 2-yig‘in doirasidagi dastlabki o‘yinni Sankt-Peterburgning “Zenit” klubi bilan o‘tkazadi.
Uchrashuv Rossiya klubi taklifiga ko‘ra, Abu-Dabi shahrida bo‘lib o‘tadi. “Dinamo” jamoasi bugun ushbu bahsda maydonga tushish uchun Dubaydan BAA poytaxti tomon yo‘lga otlanadi. Rossiyaning 10 karra chempioni sanalmish Sergey Semak boshchiligidagi jamoa va Vadim Abramov shogirdlari ikki yil avval ham Abu-Dabida o‘zaro kuch sinashgandi.
“Zenit” – “Dinamo” o‘rtasidagi xalqaro o‘rtoqlik uchrashuvi mahalliy vaqt bilan soat 16:00da, Toshkent vaqti bilan soat 17:00da boshlanadi. O‘yin jonli efirda namoyish etilishi rejalashtirilgan.
Xalqaro o‘rtoqlik o‘yini. Abu-Dabi
9 fevral (dushanba)
“Zenit” (Rossiya) – “Dinamo” (O‘zbekiston)
O‘yin boshlanish vaqti: 16:00 (BAA), 17:00 (O‘zb).
