«Динамо» янги мавсумга БААда тайёргарлик кўради
Йиғин давоммида назорат учрашувлари ташкил этилади.
Фото: Динамо ПФК
Бугун, 23 декабрдан «Динамо» жамоаси Самарқандда янги мавсум тайёргарлик режаси доирасидаги дастлабки ўқув-машғулот йиғинига киришади.
Янги мавсумда янги марраларни кўзлаётган «Динамо»нинг тайёргарлик режаси ишлаб чиқилган бўлиб, селекция ишлари ҳам давом эттирилмоқда. Вадим Абрамов бошчилигидаги жамоамиз 23-30 декабр куни Самарқандда машғулотга киришса, Янги йил байрамидан кейин – 3 январ куни Тошкентда ўқув-машғулот йиғинини бошлайди. Пойтахтда ўтадиган икки ҳафталик тайёргарлик жараёнидан сўнг «Динамо» жамоаси 16 январдан Бирлашган Араб Амирликларига йўл олади.
Абу-Дабида ўтадиган икки ҳафталик йиғин давомида бир қатор хориж клублари билан ўртоқлик учрашуви ўтказилиши режалаштирилган. Бу ҳақда батафсил маълумот берилади.
Розикжон Султонмуродов
Журналист