«Динамо» - «Локомотив»: Ўзаро ўйинларда тенглик
«Динамо» ва «Локомотив» чемпионатлар тарихида ўзаро 32 марта тўқнаш келган.
Фото: Динамо ПФК
Суперлига 7-турининг эътиборли ўйинларидан бири «Динамо» ва «Локомотив» ўртасида бўлиб ўтади.
«Динамо» ва «Локомотив» чемпионатлар тарихида ўзаро 32 марта тўқнаш келган. «Динамо» 13 ўйинда ғолиб бўлган, 6 ўйин дуранг ҳисобида якунланган. «Локомотив» «Динамо»ни ҳозирга қадар 13 марта мағлуб эта олган. Тўплар нисбати «Локо» томонида – 43:44. Ўзаро ўйинларда жамоалар 45 очкодан қўлга киритган.
«Локомотив»нинг ўзаро ўйинларда қозонган энг йирик ғалабаси – 5:1 га тенг. «Динамо»да бу кўрсаткич янада каттароқ – 5:0. 2009 йилги баҳсда Азамат Абдураимов бошчилигидаги «Динамо» Илҳом Юнусов, Дэвид Ония, Андрей Акопянц, Эркин Бойдуллаев, Баҳодир Насимовнинг Филимонов дарвозасига киритган голлари эвазига «Локо»ни 5:0 ҳисобида мағлуб этган.
Розикжон Султонмуродов
Журналист