«Dinamo» – «Lokomotiv»: o‘zaro o‘yinlarda tenglik
Superliga 7-turining e’tiborga molik uchrashuvlaridan biri “Dinamo” va “Lokomotiv” o‘rtasida bo‘lib o‘tadi.
“Dinamo” va “Lokomotiv” chempionatlar tarixida o‘zaro 32 marta to‘qnash kelgan. “Dinamo” 13 o‘yinda g‘alaba qozongan, 6 o‘yin durang natijasi bilan yakunlangan. “Lokomotiv” esa “Dinamo”ni shu paytgacha 13 marta mag‘lub eta olgan. To‘plar nisbati “Loko” tomonida – 43:44. O‘zaro o‘yinlarda jamoalar 45 ochkodan qo‘lga kiritgan.
“Lokomotiv”ning o‘zaro o‘yinlarda eng yirik g‘alabasi – 5:1 ga teng. “Dinamo”da bu ko‘rsatkich yanada kattaroq – 5:0. 2009-yilgi bahsda Azamat Abdurahimov boshchiligidagi “Dinamo” Ilhom Yunosov, Devid Oniya, Andrey Akopyants, Erkin Boydullaev, Bahodir Nasimovning Filimonov darvozasiga kiritgan gollari evaziga “Loko”ni 5:0 hisobida mag‘lub etgan.
