«Динамо» Айесса билан шартномани бекор қилди
Аввалроқ самарқандликлар Плетнёв билан ҳам келишувни узганди.
ФОТО: Getty Images
Самарқанднинг «Динамо» клуби француз ҳимоячиси Жесса Айесса билан тузилган шартномани бекор қилди.
«Динамо» бош мураббийи Вадим Абрамовнинг маълум қилишича, келишув томонларнинг ўзаро розилиги асосида бекор қилинган.
Футболчи декабрь ойининг ўрталарида Ўзбекистонга келган, ҳатто бир ўртоқлик учрашувида ҳам иштирок этишга улгурган. Бироқ ҳамкорликни йўлга қўйишнинг имкони бўлмади.
Аввалроқ «Динамо» клуби россиялик легионер Дмитрий Плетнёв билан ҳам томонларнинг ўзаро розилиги асосида шартномани бекор қилган эди.
Насрулло Каримов
Журналист