Дилшодбек Ахмадалиев — ОКМК ФК футболчиси
ОКМК футбол клуби жамоанинг кўп йиллик шаклланган ўйин услубини сақлаб қолиш ва ўнг қанотдаги тактик устунликни янада ошириш мақсадида, тажрибали ҳимоячи Дилшодбек Ахмадалиевни ўз сафига қайтарди.
Жамоанинг янги мавсум олдидан шакллантирилаётган таркибини янада кучайтириш, ҳимоя чизиғида барқарорликни таъминлаш ҳамда футболчининг кўп йиллик тажрибасини инобатга олган ҳолда, клуб раҳбарияти ва футболчи ўртасида қайта музокаралар ўтказилди. Музокаралар натижасига кўра, Дилшодбек Ахмадалиев яна «кончилар» сафида фаолиятини давом эттирадиган бўлди. ОКМК ФК ва маҳорати футболчи ўртасида 2 йиллик шартнома имзоланди.
Маълумот ўрнида, Дилшод Ахмадалиев 2021 йилдан буён жамоамиз шарафини ҳимоя қилиб келмоқда. У шу вақтга қадар ОКМК либосида 146 та расмий учрашувда майдонга тушиб, 3 та гол ва 18 та голли узатмага муаллифлик қилган. Унинг жамоа тизимини мукаммал билиши ва кўп йиллик фидойилиги янги мавсум олдидан мураббийлар штаби учун муҳим омил бўлиб хизмат қилади.
