Дик Адвокат Кюрасао терма жамоаси бош мураббийи лавозимига қайтмоқда
Машҳур нидерландлик мураббий Дик Адвокат 2026 йил февралда оилавий сабаблар туфайли тарк этган Кюрасао терма жамоаси бош мураббийи лавозимига қайта қайтишини ESPN хабар берди.
Манбанинг маълумотига кўра, терма жамоа футболчилари март ойида Австралия (1:5) ва Хитой (0:2) билан ўтказилган халқаро ўртоқлик учрашувларидаги муваффақиятсизликдан сўнг мураббийнинг қайта келишини талаб қилган. Шунингдек, терма жамоа спонсорлари ҳам молиявий босим ўтказган.
Адвокат Кариб бассейни мамлакатининг миллий терма жамоасини бошқаради, у июнь ойида илк бор тарихда жаҳон чемпионатида иштирок этади. Кюрасао футбол федерацияси 12 май куни Адвокатнинг қайтиши ҳақида расмий матбуот анжумани ўтказиши кутилмоқда.
11 майда расмий сайтда эълон қилиндики, февраль ойидан буён лавозимни эгаллаб келган Фред Рюттен ишдан озод қилинган.
Кюрасао терма жамоаси жаҳон чемпионатида Германия, Кот-д’Ивуар ва Эквадор билан бир гуруҳга тушган. Адвокат жаҳон чемпионатлари тарихида энг юқори ёшдаги мураббий бўлиши мумкин — ҳозирда у 78 ёшда.
