Дидье Дешам Франция терма жамоаси лагерга қайтди
Аввалроқ у онаси вафоти муносабати билан ватанига қайтиб кетганди.
ФОТО: Getty Images
Франция терма жамоаси бош мураббийи Дидье Дешам миллий жамоа лагерга қайтди. Аввалроқ мутахассис онасининг вафоти сабабли ватанига қайтиб кетганди.
Шу муносабат билан у Жаҳон чемпионати гуруҳ босқичи 3-туридан ўрин олган Норвегия — Франция учрашувини ўтказиб юбoрди. Мазкур баҳсда французлар 4:1 ҳисобида ғалаба қозонди.
Маълумот учун, Франция гуруҳ босқичи якунларига кўра 9 очко жамғариб, “I” гуруҳида биринчи ўринни эгаллади. Энди Дешам шогирдлари 1/16 финалда Швецияга қарши майдонга тушади.
Насрулло Каримов
Журналист