Дибала А Сериянинг 20 йиллик рекордини янгилади
Аргентиналик ҳужумчи «Торино»га қарши ўйинда битта гол урди ва битта ассист қайд этди.
ФОТО: Getty Images
«Рома» ҳужумчиси Пауло Дибала А Сериянинг 2006/07 йилги мавсумида буён энг кўп самарали ҳаракат амалга оширган легионер сифатида тарихга кирди. Аргентиналик футболчи ҳисобида камида 200 та голли иштирок бор — 131 та гол ва 69 та голли узатма.
Италия чемпионатининг 21-тури доирасида «Торино»га қарши бўлиб ўтган ва римликларнинг 2:0 ҳисобидаги ғалабаси билан якунланган учрашувда Дибала битта гол урди ҳамда битта голли пас муаллифи бўлди.
Футболчи «Рома» сафида 2022 йил ёзида «Ювентус» билан шартномаси якунлангач, эркин агент сифатида келиб қўшилганди. У сўнгги 20 йил ичида А Серияда 200 та самарали ҳаракат маррасини забт этган илк легионерга айланди.
Насрулло Каримов
Журналист