Ди Мария Аргентина терма жамоасига миннатдорлик билдирди
Аргентина терма жамоасининг собиқ вингери Анхель Ди Мария жамоанинг Жаҳон чемпионатидаги иштирокига муносабат билдирди.
«Мамлакат сизлар билан фахрланади. Бутун Аргентина сизларнинг характери ва Жаҳон чемпионати давомида намоён этган меҳрингиз атрофида бирлашди. Бу — Аргентина тарихидаги энг яхши терма жамоа. Қатор бешта финалга чиқиш — ҳеч ким тортиб ола олмайдиган ютуқ. Сизларга фақат раҳмат!», — деб ёзди Ди Мария ижтимоий тармоқларда.
Жаҳон чемпионатининг ҳал қилувчи учрашувида Аргентина Испанияга 0:1 ҳисобида мағлуб бўлиб, мусобақанинг кумуш медалларини қўлга киритди.
Испания эса ушбу ғалаба орқали ўз тарихида иккинчи марта жаҳон чемпионига айланди. Испанлар илк бор 2010 йили Жанубий Африка Республикасида бўлиб ўтган мундиалда бош совринни қўлга киритган эди.
