Дэвид Рая ЙЧЛ финалидаги мағлубият ҳақида: «Бу сени ич-ичингдан парчалаб ташлайди»
«Арсенал» дарвозабони Дэвид Рая Чемпионлар Лигаси — 2025/2026 финалида «Пари Сен-Жермен»дан қабул қилинган мағлубиятдан кейинги ҳис-туйғулари билан ўртоқлашди. Ўйиннинг асосий ва қўшимча вақтлари 1:1 ҳисобида якунланган, пенальтилар сериясида эса парижликлар устунлик қилган эди — 4:3.
«Сўнгги 20 йил ичида илк бор Чемпионлар Лигаси финалига чиқиб, кейин пенальтилар сериясида ютқазиб қўйсангиз, бу сизни ич-ичингиздан парчалаб ташлайди. Мен у ердан амалга оширган ишимиз туфайли бошимни тик тутган ҳолда кетдим, лекин ич-ичимдан эзилган эдим. Биз ғалабага жуда яқин келган эдик... Финалдан кейинги ўша тун жуда оғир бўлди, эртаси куни эрталаб ҳам худди шундай. Аммо кейин «Эмирейтс»га келиб, мухлисларни Премьер-лига кубоги билан кўрганингда, нималарга эришганингни англаб етасан. Бу сизни табассумга чорлайди», — дея Раянинг сўзларидан иқтибос келтирмоқда The Guardian нашри.
Шунингдек, посбон мағлубиятдан сўнг «ПСЖ» сафида тўп сурадиган терма жамоадаги дўсти Фабиан Руис билан гаплаша олмаганини ва уни фақат эртаси куни табриклаганини таъкидлаб ўтди.