Дэвид Мойесга \"Британия империяси офицери\" ордени берилди
Фото: Getty Images
Дэвид Мойес Британия империясининг офицерига айланди.
Бу орден унга футбол соҳасидаги хизматлари учун берилди. “Эвертон” бош мураббийи бундан ғурурланишини билдирди:
"Бугун бу орденни олиш мен учун катта шараф бўлди. Бу — ҳақиқатан ҳам мен ва оилам учун ўзига хос кун. Отам илгари Британия империясининг кавалери унвонига сазовор бўлган, энди эса мен офицер унвонини олдим, шунинг учун биз оилавий бундан жуда ғурурланамиз.
Бу менинг шаҳзода Уилям билан биринчи учрашувим эди, у мени “Эвертон”нинг ютуқлари билан табриклади. Шунингдек, биз унинг севимли клуби “Астон Вилла” ва жамоанинг сўнгги бир неча йилдаги муваффақиятлари ҳақида гаплашдик.
У футболга жуда қизиқади, ўғли ҳам шундай, шунинг учун ундан мукофот олиш жуда ажойиб эди", — деди Мойес.
Розикжон Султонмуродов
Журналист