Devid Moyesga \"Britaniya imperiyasi ofitseri\" ordeni berildi

Futbol 12 iyn 2025 da 12:45

Roziqjon Sultonmurodov

Jurnalist

Devid Moyes Britaniya imperiyasining ofitseriga aylandi.

Bu orden unga futbol sohasidagi xizmatlari uchun berildi. “Everton” bosh murabbiyi bundan faxrlanishini bildirdi:

"Bugun ushbu ordenni olish men uchun katta sharaf bo‘ldi. Bu — haqiqatan ham men va oilam uchun o‘ziga xos kun. Otam ilgari Britaniya imperiyasining kavaleri unvoniga sazovor bo‘lgan, endi esa men ofitser unvonini oldim, shuning uchun biz oilaviy bundan juda faxrlanamiz.

Bu mening shahzoda Uilyam bilan birinchi uchrashuvim edi, u meni “Everton”ning yutuqlari bilan tabrikladi. Shuningdek, biz uning sevimli klubi “Aston Villa” va jamoaning so‘nggi bir necha yildagi muvaffaqiyatlari haqida gaplashdik.

U futbolga juda qiziqadi, o‘g‘li ham shunday, shuning uchun undan mukofot olish juda ajoyib edi", — dedi Moyes.