Дэвид Бекхэм фаолияти давомидаги энг яхши сардор ким бўлганини айтди
Расм: gettyimages.com
Англия терма жамоаси собиқ футболчиси Дэвид Бекхэм ўз фаолиятидаги энг яхши сардор сифатида «Манчестер Юнайтед» афсонаси Рой Кинни тилга олди.
«Мен билан бирга ўйнаганлар орасида энг яхши сардор — Рой Кин», — деди Бекхэм CBS Sports телеканалига берган интервьюсида.
Эслатиб ўтамиз, Рой Кин фаолияти давомида «Ноттингем Форест», «Манчестер Юнайтед» ва «Селтик» жамоаларида тўп сурган, шунингдек, Ирландия терма жамоаси шарафини ҳам ҳимоя қилган. У 2006 йилда футболчилик фаолиятини якунлаган.
Дэвид Бекхэм эса «Манчестер Юнайтед», «Реал Мадрид», «Милан», «Лос-Анджелес Гэлакси» ва «Пари Сен-Жермен» клубларида тўп сурган. Айни пайтда у АҚШнинг «Интер Майами» клуби ҳаммуассисларидан бири ҳисобланади.
Бакрадзе Иман
Редактор
