Девид Бекҳем рафиқаси Виктория учун романтик сюрприз уюштирди
Англия терма жамоасининг собиқ футболчиси Девид Бекҳем турмуш ўртоғи Виктория Бекҳем учун ўзига хос романтик сюрприз тайёрлади. У рафиқасини Италиядаги Портофино шаҳрига — жуфтлик 1997-йилда илк бор биргаликда дам олган жойга олиб борди.
Бекҳемлар айнан муносабатларини жамоатчиликка ошкор қилишларидан аввал бирга борган меҳмонхонага қайтишди. Девиднинг таъкидлашича, улар 29 йил аввал ҳам шу ерда қолган ва ўша пайтда уларнинг муносабатлари ҳақида деярли ҳеч ким билмаган.
Жуфтлик саёҳатдан олинган суратларни ижтимоий тармоқларда ҳам бўлишди. Виктория Портофиноға қайтганидан мамнунлигини билдириб, турмуш ўртоғига муҳаббат изҳор қилган. Девид эса рафиқасининг тарихий меҳмонхонага кириб бораётган видеосини ҳам эълон қилган.
Маълумот учун, манбага кўра, Бекҳемлар жойлашган меҳмонхонада бир кеча тунаш нархи тахминан 2 минг фунт стерлингни ташкил этади. Девид ва Виктория Бекҳем 1999-йилда турмуш қурган бўлиб, уларнинг муносабатлари футбол оламидаги энг машҳур жуфтликлардан бири сифатида танилган.
