Дешам фаолиятини Саудия Арабистонида давом эттириши мумкин
ФОТО: Getty Images
Саудия Арабистони суверен жамғармаси Франция терма жамоаси бош мураббийи Дидье Дешамга ЖЧ-2026дан кейин ҳамкорлик қилишни таклиф қилди. Бу ҳақда журналист Саша Таволиери хабар бермоқда.
Манбага кўра, саудияликлар француз мутахассисини маҳаллий лигадаги жамоалардан бирини бошқаришини исташмоқда.
Қайд этилишича, мураббий мазкур қизиқишдан мамнунлигини билдирган, бироқ айни дамда бутун эътиборини терма жамоа билан ишлашга қаратганини маълум қилган.
Эслатиб ўтамиз, Дешам 2012-йилдан буён Франция терма жамоасини бошқариб келмоқда ва 2018-йилда Жаҳон чемпионига айланган.
Насрулло Каримов
Журналист