Desham faoliyatini Saudiya Arabistonida davom ettirishi mumkin
FOTO: Getty Images
Saudiya Arabistoni suveren jamg'armasi Fransiya terma jamoasi bosh murabbiyi Didye Deshamga JCh-2026'dan keyin hamkorlik qilishni taklif qildi. Bu haqda jurnalist Sasha Tavoliyeri xabar bermoqda.
Manbaga ko'ra, saudiyaliklar fransiyalik mutaxassisni mahalliy ligadagi jamoalardan birining boshqaruvida ko'rishni xohlashadi.
Qayd etilishicha, murabbiy bu qiziqishdan mamnun bo'lgani, biroq ayni damda butun e'tiborini terma jamoa bilan ishlashga qaratganini ma'lum qilgan.
Eslatib o'tamiz, Desham 2012-yildan buyon Fransiya terma jamoasini boshqarib kelmoqda va 2018-yilda Jahon chempioniga aylandi.
Nasrullo Karimov
Jurnalist