Дешам: «Биз миллионлаб французларга қувонч улашиш имкониятини бой бердик»
Франция миллий жамоаси бош мураббийи Дидье Дешам Жаҳон чемпионатидаги иштирокни сарҳисоб қилиб, мусобақа натижаларига муносабат билдирди.
«Мағлубият ҳар доим аламли. Шунга қарамай, бажарилган ишдан қониқиш ҳисси бор. Албатта, турнирни учинчи ўрин билан якунлаганимиз яхшироқ бўларди. Бизда катта мақсадлар бор эди ва йўл давомида кўплаб яхши ишларга эришдик. Испанияга қарши ўйинда эса ўз футболимизни намойиш эта олмадик, рақиб эса бизга қарши жуда яхши ўйнади.
Ҳаммаси ҳам ёмон эмас. Бизда иқтидорли жамоа бор ва натижага эришиш учун барча имкониятлар мавжуд эди. Шахсан мен учун бу ажойиб саёҳат бўлди. Ажойиб саккиз ҳафта ўтказдик.
Натижа нуқтаи назаридан, албатта, кўнгилсизлик бор. Биз ўнлаб миллионлаб французларга қувонч бағишлаш имкониятига эга эдик. Бу Жаҳон чемпионати. Бундан гўзал мусобақа йўқ. Франция терма жамоаси либосини кийишдан ҳам ортиқ шараф йўқ», — деди Дешам.
Маълумот учун, Франция миллий жамоаси 2026 йилги Жаҳон чемпионатида кутилган натижага эриша олмади ва мусобақани медалсиз якунлади.
