Дембеле ва Кварацхелия «ПСЖ» билан янги шартнома имзолашга яқин
«ПСЖ» клуби Усмон Дембеле ва Хвича Кварацхелия билан шартномаларни узайтириш бўйича музокараларни давом эттирмоқда.
Журналист Абделла Боулманинг маълумотига кўра, Дембеле янги битимни 2030 йилгача, Кварацхелия эса 2031 йилгача узайтиришга яқин турибди.
29 ёшли Дембеленинг амалдаги шартномаси 2028 йил ёзигача мўлжалланган эди. «Олтин тўп-2025» соҳиби бўлган француз футболчиси «ПСЖ»да қолиш истагини билдирган ва томонлар янги шартнома бўйича принципиал келишувга эришган. Янги битим 2030 йилгача амал қилиши кутилмоқда.
25 ёшли Хвича Кварацхелия билан вазият ҳам ижобий томонга ўзгармоқда. Грузиялик вингернинг амалдаги шартномаси 2029 йил ёзигача амал қилади. «ПСЖ» футболчи билан музокараларни бир неча ҳафтадан буён олиб бормоқда ва янги келишувни 2031 йилгача узайтириш варианти муҳокама қилинмоқда.
