Дембеле «ПСЖ» – «Бавария» баҳсининг энг яхши футболчиси деб топилди
УЕФА Чемпионлар Лигасида биринчи яримфиналнинг дастлабки ўйини бўлиб ўтди.
ФОТО: Getty images
«ПСЖ» ва «Бавария» сешанба оқшомида Чемпионлар лигасининг тўққизта гол киритилган жуда ёрқин ярим финалини ўтказди.
Парижликлар ўз майдонида 5:4 ҳисобида ғалаба қозонди. Финал ҳуштагидан сўнг, «ПСЖ» ҳужумчиси Усмон Дембеле учрашувнинг энг яхши футболчиси совринини олди.
Ўтган ўйинда Дембеле дубль қайд этди ва бурчакдан Жоау Невешга голли узатма берди.
«Бавария» ва «ПСЖ» ўртасидаги жавоб ўйини келаси ҳафта – 6-май куни бўлиб ўтади. Чоршанба куни, 29-апрелда Чемпионлар лигасининг иккинчи ярим финал учрашуви бўлиб ўтади – «Атлетико» «Арсенал»ни қабул қилади.
Розикжон Султонмуродов
Журналист