Дембеле биринчи, Ямал иккинчи, Рафинья бешликда йўқ — The Guardian 2025 йилнинг энг яхши футболчилари рейтинги эълон қилинди
Британиянинг The Guardian газетаси 2025 йилнинг энг яхши 100 нафар футболчиси рейтинги тузди.
Рейтинг собиқ футболчилар, мураббийлар ва журналистлардан иборат ҳайъат овозлари асосида шакллантирилди. Рўйхатга Франция терма жамоаси ва «ПСЖ» ҳужумчиси Усмон Дембеле етакчилик қилди. Таъкидлаш жоиз, «Барселона» вингери Рафинья кучли бешликка кира олмади.
The Guardian версиясига кўра 2025 йилнинг ТОП-10 футболчилари:
1. Усмон Дембеле («ПСЖ»)
2. Ламин Ямал («Барселона»)
3. Витинья («ПСЖ»)
4. Килиан Мбаппе («Реал»)
5. Гарри Кейн («Бавария»)
6. Эрлинг Холанд («Манчестер Сити»)
7. Ашраф Ҳакими («ПСЖ»)
8. Рафинья («Барселона»)
9. Моҳамед Салаҳ («Ливерпуль»)
10. Педри («Барселона»)
Ўтган мавсумда Рафинья «кўк-анорранглилар» сафида барча мусобақаларда 57 та ўйинда 34 та гол ва 26 та голли узатма амалга оширди. У Чемпионлар лигасининг энг яхши тўпурари (13 гол) ва энг яхши ассистенти (8 пас) бўлди. «Барселона» билан бирга Испания чемпионати, Кубоги ва Суперкубогини қўлга киритди.
