Dembele birinchi, Yamal ikkinchi, Rafinya beshlikda yoʻq — The Guardian 2025 yilning eng yaxshi futbolchilari reytingini eʼlon qildi
Britaniyaning The Guardian gazetasi 2025 yilning eng yaxshi 100 nafar futbolchisi reytingini tuzdi.
Reyting sobiq futbolchilar, murabbiylar va jurnalistlardan iborat hay’at ovozlari asosida shakllantirildi. Ro‘yxatga Fransiya terma jamoasi va «PSJ» hujumchisi Usmon Dembele yetakchilik qildi. Ta’kidlash joiz, «Barselona» vingeri Rafinya kuchli beshlikka kira olmadi.
The Guardian versiyasiga ko‘ra 2025 yilning TOP-10 futbolchilari:
1. Usmon Dembele («PSJ»)
2. Lamin Yamal («Barselona»)
3. Vitinya («PSJ»)
4. Kilijan Mbappe («Real»)
5. Garri Keyn («Bavariya»)
6. Erling Holand («Manchester Siti»)
7. Ashraf Hakimi («PSJ»)
8. Rafinya («Barselona»)
9. Mohamed Salah («Liverpul»)
10. Pedri («Barselona”)
O‘tgan mavsumda Rafinya «ko‘k-anorranglilar» safida barcha musobaqalarda 57 ta o‘yinda 34 ta gol va 26 ta golli uzatma amalga oshirdi. U Chempionlar ligasining eng yaxshi to‘purari (13 gol) va eng yaxshi assistenti (8 pas) bo‘ldi. «Barselona» bilan birga Ispaniya chempionati, Kubogi va Superkubogini qo‘lga kiritdi.
