Дембеле 1954-йилдан буён кузатилмаган натижани қайд этди
Франциялик футболчи Норвегияга қарши баҳсда хет-трик қайд этди.
Футбол
Насрулло Каримов
Журналист
ФОТО: Getty Images
Франция терма жамоаси ҳужумчиси Усмон Дембеле ЖЧ-2026 гуруҳ босқичининг 3-турида Норвегияга қарши баҳсда тарихий натижага эришди.
Дембеле учрашувнинг дастлабки бўлимидаёқ атиги 25 дақиқа ичида хет-трик расмийлаштирди. Натижада у 1954-йилдан буён Жаҳон чемпионатларида қайд этилган энг тезкор хет-триклардан бирига муаллифлик қилди.
Шунингдек, у Жаҳон чемпионатлари тарихида Франция терма жамоаси сафида хет-трик қайд этган учинчи футболчига айланди. Унга қадар бу натижага фақат Жюст Фонтен ва Килиан Мбаппе эришган эди.
Франция ушбу учрашувда Норвегияни 4:1 ҳисобида мағлуб этиб, гуруҳ босқичини 9 очко билан биринчи ўринда якунлади.