Де Зерби: «Ёзда жуда кўп ўйинчиларни алмаштиришга ҳожат йўқ»
“Тоттенхэм” бош мураббийи Роберто Де Зерби жамоа Англия Премьер-лигасидаги ўрнини сақлаб қолганидан сўнг келажак режалари билан ўртоқлашди..
«Бугун кечқурундан бошлаб биз янги жамоани шакллантириш ва ташкил этишни бошлашимиз керак. Менимча, жуда кўп футболчиларни алмаштиришга ҳожат йўқ. Қўлимизда қолиши мумкин бўлган 10-12 нафар етарлича яхши футболчилар бор — ҳам ўйинчи, ҳам инсон сифатида.
Энди эса таркибни юқори даражали футболчилар билан тўлдиришимиз керак, чунки биз жуда кўп азият чекдик. Мен ҳам кўп қийналдим, аммо мухлислар, клуб, директорлар кенгаши ва ўйинчилар — барчаси ортиқча даражада азият чекди.
Биз Премьер-лигада қолиш учун охирги ўйиннинг сўнгги сониясигача бундай қийналишга ҳаққимиз йўқ. Мен янада кучлироқ бўламан. Қарорларни якка ўзи қабул қилишни истамайман, чунки футбол — бу жамоавий иш: спорт директори, скаутлар, бош директор — ҳамманинг ўрни бор. Премьер-лигада қолиш вазифаси бажарилди. Энди эса мақсадим — орзудаги, тасаввуримдаги жамоа билан янги мавсумга тайёргарликни бошлаш», — деди Де Дзерби клубнинг расмий сайтига берган интервьюсида.
