Де Росси «Женоа» устозига айланиши мумкин
Клуб Виейрани истеъфога чиқарганди.
ФОТО: Getty images
“Рома” афсонаси Даниэле Де Росси “Женоа” бош мураббийи лавозимига асосий номзодлар қаторига киритилган. Бу ҳақда La Gazzetta dello Sport хабар бермоқда.
Франциялик мутахассис Патрик Виейра 1 ноябрь куни ўз лавозимидан озод этилган эди.
Ҳозирда А Серия жадвалида 9 турдан кейин бор-йўғи 3 очко билан охирги ўринда бораётган “Женоа” “Сассуооо”га қарши баҳсдан сўнг доимий бош мураббий излашни бошлайди.
Жамоа бош мураббий лавозимига Раффаэле Палладино, Паоло Ваноли, Лука Готти ва Даниэле Де Росси номзод сифатида кўрилмоқда. Де Росси 2024/25 мавсумида «Рома»ни тарк этганидан бери ишсиз юрибди.
Розикжон Султонмуродов
Журналист