Де ла Фуэнте: «Ямалнинг 15 июнга қадар тайёр бўлишига ишонамиз, лекин унинг майдонга тушиши аниқ эмас»
Испания терма жамоаси бош мураббийи Луис де ла Фуэнте вингер Ламин Ямалнинг жаҳон чемпионатидаги биринчи ўйинга тайёр бўлиши мумкинлигини инкор этмади.
Аввалроқ "Барселона" футболчиси 22 апрель куни Ла Лига доирасида "Сельта"га қарши ўйинда (1:0) пенальти тепаётганда олган жароҳати сабабли ЖЧ-2026 стартни ўтказиб юбориши мумкинлиги ҳақида хабар берилганди.
"Эртага [Ироққа қарши] на Ламин, на Нико [Уильямс], на Виктор [Муньос] ўйнамайди. Ламин 15 санагача тайёр бўлишига ишончимиз комил. Агар шу тарзда давом этса, у тайёр бўлиши мумкин, аммо бу Ямалнинг ўйнашига кафолат бермайди. Вазирятни кузатиб борамиз", – дея де ла Фуэнтенинг сўзларини келтиради Mundo Deportivo.
15 июн куни Испания терма жамоасининг жаҳон чемпионати — 2026 даги биринчи ўйини бўлиб ўтади. Испанлар Кабо-Верде жамоаси билан ўйнайди.
