Де ла Фуэнте: «Бундай ўйинларда яққол фаворит бўлмайди»
Испания бош мураббийи Бельгияга қарши баҳс аввалида фикр билдирди.
ФОТО: Getty images
Испания терма жамоаси бош мураббийи Луис де ла Фуэнте Бельгияга қарши бўлажак учрашув олдидан фикр билдирди.
«Бизни фаворит деб ҳисоблашларидан қўрқмаймиз ҳам, хавотир ҳам олмаймиз. Аммо бундай ўйинларда фаворит бўлмайди. Бизни шундай баҳолашса ҳам, бу ҳақда ўйлаб ўтирмаймиз.
Чорак финалга чиқиш осон эмас. Бу босқичда ҳеч ким рақибига ён бермайди. Барчасига фақат қаттиқ меҳнат, тўғри ёндашув, футболчиларнинг соғлом ҳолатини сақлаш ва 26 нафар футболчи орасидан энг тўғри танлов қилиш орқали эришилади. Биз келажак ҳақида ўйлаяпмиз, аммо аслида бажарган ишимизга энг ҳаққоний баҳо берувчи нарса — натижалардир», — деди де ла Фуэнте.
Розикжон Султонмуродов
Журналист