Де Хеа Моуриньо билан бирга ишлаши мумкин
Фото: Getty Images
“Фиорентина” дарвозабони Давид Де Хеа фаолиятини Туркия Суперлигасида давом эттириши мумкин. Бу ҳақда Todofichajes портали хабар берди.
Манбага кўра, 34 ёшли посбонни Истанбулнинг “Фенербаҳче” клуби ўз сафига қўшиб олмоқчи. Де Хеа Туркия грандига эркин агент сифатида ўтиши мумкин, чунки унинг флоренцияликлар билан шартномаси 2025 йил июнь ойи охиригача амал қилади.
Футболчининг Transfermarkt порталидаги нархи 5 миллион еврога баҳоланмоқда. Давид бу мавсум А Серияда “Фиорентина” сафида 33 ўйинда иштирок этиб, 34 гол ўтказди ва 11 учрашувда дарвозаси дахлсизлигини сақлади.
Розикжон Султонмуродов
Журналист