Де Дзерби “Тоттенхэм”нинг асосий муаммосини айтди
“Тоттенхэм” бош мураббийи Роберто Де Дзерби жамоанинг ҳозирги асосий муаммоси ҳужумдаги самарасизлик эканини таъкидлади. Лондонликлар Англия Лига кубогида “Ливерпуль”га 1:3 ҳисобида мағлуб бўлганидан сўнг италиялик мутахассис жамоа яратаётган вазиятлардан унумли фойдалана олмаётганига эътибор қаратди. Бу ҳақда “Тоттенхэм” расмий сайти хабар бермоқда.
Манбага кўра, Де Дзерби футболчилардан дарвоза томон кўпроқ ва аниқроқ зарба беришни талаб қилмоқда. Унинг фикрича, “Тоттенхэм” вазият яратмоқда, бироқ ҳал қилувчи паллада зарба сифати ва имкониятлардан фойдаланиш борасида етишмовчилик сезилмоқда. “Ливерпуль”га қарши баҳсда жамоа 17 марта зарба берганига қарамай, фақат бир гол ура олди.
“Шпорлар”нинг ҳужумдаги муаммоси мавсум бошидан бери давом этмоқда. Жамоа Премьер-лиганинг дастлабки тўрт учрашувида умуман гол ура олмади ва клуб тарихида илк бор мавсумни шундай кўрсаткич билан бошлади. “Ливерпуль”га қарши урилган гол эса “Тоттенхэм”нинг сўнгги тўртта учрашувдаги илк голи бўлди.
Маълумот учун, “Тоттенхэм” жорий мавсум барча мусобақаларни ҳисобга олганда ўтказган дастлабки олти учрашувининг фақат биттасида ғалаба қозонган. Де Дзерби эса натижаларга қарамай, жамоанинг ўйинида ижобий жиҳатлар борлигини ва ҳужумдаги аниқлик ошса, натижалар ҳам яхшиланишига ишонишини билдирмоқда.
