Де Брюйне жароҳати сабаб феврал ойигача майдонга қайта олмайди
Бельгиялик футболчи «Интер»га қарши ўйинда жароҳат олганди.
ФОТО: Getty Images
«Наполи» яримҳимоячиси Кевин Де Брюйне оғир жароҳат сабаб камида феврал ойигача майдонга қайта олмайди. Бу ҳақда La Gazzette dello Sport нашри хабар бермоқда.
Эслатиб ўтамиз, бельгиялик футболчи А Сериянинг 8-туридан ўрин олган «Интер»га қарши баҳсда сон мушакларини шикастлаб олганди.
Кейинчалик клуб ахборотига кўра, Де Брюйне Антверпен шаҳрида муваффақиятли операция қилинган. Унга ўнг сонидаги икки бошли мушак ёрилиши ташхиси қўйилган.
Эндиликда 33 ёшли яримҳимоячи тўлиқ тикланиш учун реабилитация босқичини бошлайди.
Маълумот учун, Де Брюйне жорий мавсум барча турнирларда 11 та ўйинда майдонга тушиб, 4 та гол урди ва 2 та голли узатмани амалга оширди. Унинг Transfermarkt'даги нархи 20 миллион евро деп баҳоланмоқда.
Насрулло Каримов
Журналист