Де Брюйне: «Терма жамоадаги фаолиятимни якунлаш ниятим йўқ»
Бельгиялик яримҳимоячи миллий жамоадаги келажаги ҳақида гапирди.
ФОТО: Getty Images
«Наполи» ҳужумкор яримҳимоячиси Кевин Де Брюйне ўзининг жисмоний ҳолати ва Бельгия терма жамоасидаги иштироки ҳақидаги фикрлари билан ўртоқлашди.
«Секин-аста спорт формаимни тиклаб бормоқдаман, майдонда кутилганидан кўпроқ вақт ўтказишга ҳам улгурдим. Тахминан тўрт ҳафтан бери жамоа билан бирга машғулот ўтказяпман ва ўзимни яхши ҳис қиляпман. Ушбу йиғин доирасида иккита тўлиқ 90 дақиқалик ўйинда қатнашишим мумкин деб ўйламайман, лекин бунга ҳозирча эҳтиёж ҳам йўқ.
Жаҳон чемпионатидан сўнг терма жамоадаги фаолиятимни якунлаш ниятим йўқ: модомики ўзимни яхши ҳис қилаётган эканман — ўйнашда давом этаман», — деди Де Брюйне.
Эслатиб ўтамиз, Бельгия терма жамоаси Жаҳон чемпионатида Миср, Эрон ва Янги Зеландия билан бир гуруҳдан жой олган.
Насрулло Каримов
Журналист