Де Брюйне пайшанба куни “Наполи”да тиббий кўрикдан ўтади
Фото: Getty Images
Кевин Де Брюйне пайшанба куни "Наполи"га ўтиши мумкин.
У "Манчестер Сити"даги ўн йиллик фаолиятидан сўнг "Наполи" клубига эркин агент сифатида келиб қўшилмоқда.
33 ёшли белгиялик ярим ҳимоячи йилига 5 миллион евро маош оладиган 2+1 шартнома имзолаётгани хабар қилинганди.
Қайд этилишича, Кевин эртага Римга келади ва тиббий кўрикдан ўтади. Шундан сўнг шартнома имзоланади.
Маълумот учун, 2024/25 йилги мавсумда белгиялик футболчи АПЛнинг 28 учрашувида 4 та гол урди ва 7 та голли узатмани амалга оширди.
