Де Брюйне: «Ҳозир шунчаки таътилга чиқиб, дам олмоқчиман»
Бельгия терма жамоаси сардори Кевин Де Брюйне 2026 йилги жаҳон чемпионати унинг фаолиятидаги сўнгги мундиал бўлган-бўлмагани ҳақидаги саволга жавоб берди.
Бельгия чорак финалда Испанияга 1:2 ҳисобида мағлуб бўлиб, мусобақа билан хайрлашди. 35 ёшли ярим ҳимоячи мазкур учрашувнинг 86-дақиқасида майдонни тарк этди.
«Йигитлар, менга шунчаки таътилга чиқиб, дам олишга рухсат беринг. Бу жуда оғир йил бўлди. Мен жиддий операцияни бошдан кечирдим. Эришган ишларим билан фахрланаман. Бунинг учун жуда қаттиқ меҳнат қилдим. Ҳозирча айтадиганим шу», — деди Де Брюйне журналист Бен Жейкобсга.
Маълумот учун, Кейин 2010 йилдан буён Бельгия терма жамоаси сафида тўп суриб келмоқда. Шу вақт давомида у миллий жамоа либосида 124 та учрашувда иштирок этиб, 38 та гол муаллифи бўлган.
