Де Брюйне «Наполи»дан кетиши мумкин
«Наполи» ярим ҳимоячиси Кевин де Брюйне Италия клубидаги фаолиятини якунлаши эҳтимоли бор. Бельгиялик футболчининг шартномани узайтириш бўйича клуб билан музокаралари ҳозирча ижобий натижа бермаяпти.
Инсайдер Николо Скира хабар беришича, томонлар янги шартнома бўйича келиша олмаяпти. Де Брюйненинг амалдаги битими келаси йил ёзида ўз ниҳоясига етади. Айни пайтда футболчининг мавсум якунида эркин агент сифатида жамоани тарк этиши эҳтимоли юқори.
35 ёшли футболчи «Наполи»га 2025 йилда «Манчестер Сити»дан эркин агент сифатида кўчиб ўтган эди. Унгача де Брюйне манчестерликлар сафида ўн йил давомида тўп сурган.
Жорий мавсумда эса бельгиялик ярим ҳимоячи «Наполи» таркибида олтита учрашувда иштирок этиб, бир гол ва бир голли узатмага муаллифлик қилди. Италия жамоасини Массимилиано Аллегри бошқармоқда.
