Де Брюйне қачон сафга қайтиши маълум бўлди
«Наполи» жамоасининг ҳужумкор яримҳимоячиси Кевин Де Брюйне жароҳатидан сўнг сафга қайтишга яқин турибди. Бу ҳақда нуфузли Corriere dello Sport нашри хабар бермоқда.
Маълумотларга кўра, 34 ёшли бельгиялик юлдуз 22 февраль, якшанба куни Неаполга етиб келади. Душанба кунидан бошлаб эса футболчи клуб қароргоҳига реабилитация жараёнининг якунӣ босқичига кириши кутилмоқда.
Эслатиб ўтамиз, Де Брюйне ўтган йилнинг 25 октябр куни «Интер»га қарши кечган баҳсда пенальти тепиш чоғида жиддий жароҳат олган эди. 29 октябр куни эса Антверпен (Бельгия) шаҳрида жарроҳлик амалиётини ўтказди.
Маълумот учун, жорий мавсумда тажрибали хавбек неаполликлар сафида барча турнирларда жами 11 та учрашувда майдонга тушиб, ўз ҳисобига 4 та гол ва 2 та самарали узатма ёздириб қўйган.
