Давид Силва футболчилик фаолиятини қайта бошлади
“Manchester Siti” ва Испания терма жамоаси собиқ ярим ҳимоячиси David Silva уч йиллик танаффусдан сўнг профессионал футболга қайтишга қарор қилди. 40 ёшли футболчи Гонконг чемпионатида иштирок этувчи “Supreme Sha Tin” клуби билан қисқа муддатли шартнома имзолади. Бу ҳақда AS нашри хабар бермоқда.
Манбага кўра, Silva янги жамоасига қўшилишдан мамнун эканини билдириб, Гонконгдаги футбол, маданият ва маҳаллий ҳаёт билан яқиндан танишишни интиқлик билан кутаётганини айтган. “Supreme Sha Tin” ҳам испаниялик юлдузнинг трансферини расман эълон қилган.
David Silva 2023-йил июль ойида “Real Sosyedad” сафида олган жиддий тизза жароҳатидан сўнг футболчилик фаолиятини якунлаган эди. Энди у уч йилдан ортиқ танаффусдан кейин яна майдонга қайтади. Янги клубидаги дебюти яқин ҳафталарда бўлиб ўтиши кутилмоқда.
Маълумот учун, David Silva “Manchester Siti” сафида 436 та учрашувда 77 та гол уриб, 136 та голли узатма амалга оширган. У клуб билан тўрт марта Премьер-лига чемпиони бўлган, Испания терма жамоаси сафида эса 125 та учрашув ўтказиб, Жаҳон чемпионати ва икки марта Европа чемпионатида ғолиб чиққан.
