Дастин Порье фаолиятидаги энг кучли рақибини айтди. Бу — Ислом Махачев эмас
UFC'нинг собиқ вақтинчалик енгил вазн чемпиони Дастин Порье фаолияти давомида ўзига энг катта қийинчилик туғдирган рақиб ким бўлганини айтди.
Америкалик жангчи кутилмаган жавоб бериб, бу борада Ислом Махачевни эмас, балки Жастин Гетжини тилга олди. Порьега кўра, айнан Гетжининг кучли зарбалари ва босим остида олиб борадиган жанг услуби унга қарши курашган барча рақиблар орасида энг хавфлиси бўлган.
Порье ва Гетжи UFC'да икки марта тўқнаш келган. Биринчи жангда Дастин техник нокаут эвазига ғалаба қозонган бўлса, иккинчи баҳсда Гетжи рақибини кучли бош тепиши билан нокаутга учратган. Уларнинг иккила жанги ҳам мухлислар томонидан энг томошабоп қарама-қаршиликлардан бири сифатида эътироф этилган.
Эслатиб ўтамиз, Дастин Порье 2024 йилда UFC чемпионлик жанги доирасида Ислом Махачевга қарши октагонга чиққан ва бешинчи раундда бўғиш усули билан мағлуб бўлган. Шунга қарамай, у фаолиятидаги энг оғир рақиб сифатида айнан Жастин Гетжини танлади.
