Дани Себальос мавсум якунида «Реал Мадрид»ни тарк этади
Яримҳимоячи Дани Себальос шу ёзда эркин агент сифатида мадридликлар сафидан кетади. Бу ҳақда таниқли инсайдер Фабрицио Романо хабар бермоқда.
Манбанинг таъкидлашича, қарор якуний — 29 ёшли хавбек «Қироллик клуби» бош мураббийи Жозе Моуриньюнинг келгуси режаларига кирмайди. Себальос фаолиятида янги саҳифа очишга тайёр. Аввалроқ, футболчи «Реал» билан амалдаги шартномасининг сўнгги йилидан воз кечиб, «Бетис»га қайтишни истаяётгани, бироқ мадридликлар унинг трансферида 7-8 миллион евро ишлаб олмоқчи бўлгани ҳақида хабарлар тарқалган эди.
Ҳозирда «Бетис» Себальосни ўз сафига қўшиб олишга асосий даъвогарлардан бири бўлиб турибди. Шунингдек, май ойида Амстердамнинг «Аякс» клуби ҳам футболчига қизиқиш билдирган, бироқ Дани бу вариантни кўриб чиқмаган. Маълумот учун, ярим ҳимоячининг «Реал» билан шартномаси 2027 йилнинг ёзигача амал қилиши керак эди.