Дани Олмо «Бавария»га икки марта рад жавобини берган
«Барселона» ярим ҳимоячиси Дани Олмо фаолияти давомида икки марта «Бавария»га ўтиш имкониятини рад этган. Футболчининг агенти Энди Бара «Инкубатор» подкастида бу ҳақда гапириб, ҳар икки ҳолатда ҳам бошқа вариант танланганини маълум қилди.
Биринчи таклиф Олмо Загребнинг «Динамо» клубида ўйнаётган пайтда тушган. Бара ўша вақтда футболчига дарҳол «Бавария»га ўтмасдан, фаолиятида яна бир оралиқ қадам ташлашни маслаҳат берган. Натижада испаниялик футболчи 2020 йилда «РБ Лейпциг» сафига қўшилган.
Кейинчалик Олмо «Лейпциг»да ўйнаётганида «Бавария» яна унга таклиф билан чиққан. Бу сафар «Барселона» ва бошқа клублар ҳам футболчига қизиқиш билдирган. Якунда Олмо Каталония клубини танлаган ва 2024 йилда «Барселона»га кўчиб ўтган.
Маълумот учун, 28 ёшли Олмо 2026/27 йилги мавсумда «Барселона» сафида 8 та учрашувда майдонга тушиб, 3 та голли узатмани амалга оширган. Унинг агенти, шунингдек, футболчи келажакда фаолиятини Загребнинг «Динамо» клубида якунлашни ва мураббийлик фаолиятини ҳам айнан шу жамоада бошлашни исташини айтган.
