CIES энг кўп даромад келтирган академиялар рейтингини эълон қилди
CIES Халқаро спорт тадқиқотлари маркази сўнгги 10 йил ичида ўз тарбияланувчиларини сотиш орқали энг кўп даромад қилган клублар рейтингини эълон қилди.
Рейтингда Португалиянинг «Бенфика» клуби пешқадам бўлди. Лиссабонликлар 38 нафар футболчини сотиш орқали 589 миллион евро ишлаб топган. Иккинчи ўринни 43 нафар ўйинчидан 454 миллион евро даромад қилган «Аякс» эгаллади.
Кучли учликни Лондоннинг «Челси» клуби якунлаб берди — «аристократлар» 33 нафар футболчи трансферидан 442 миллион евро ишлаб олган.
Шунингдек, рейтингдан Испаниянинг «Реал», Англиянинг «Манчестер Сити» клублари ҳам ўрин олган. Топ-10 рўйхатидан Европадан ташқаридаги ягона клуб сифатида Бразилиянинг «Палмейрас» жамоаси жой олди.
CIES талқини бўйича сўнгги 10 йилнинг энг даромадли академиялари:
«Бенфика» — 38 футболчи, 589 млн евро
«Аякс» — 43 футболчи, 454 млн евро
«Челси» — 33 футболчи, 442 млн евро
«Лион» — 31 футболчи, 423 млн евро
«Спортинг» — 40 футболчи, 417 млн евро
«Манчестер Сити» — 35 футболчи, 414 млн евро
«Реал» — 40 футболчи, 395 млн евро
«Монако» — 25 футболчи, 378 млн евро
«Палмейрас» — 32 футболчи, 356 млн евро
«Байер» — 12 футболчи, 339 млн евро
