ЧЛ. Драматик кечган баҳсда «Бавария» «Реал»ни турнирдан чиқариб юборди
Чемпионлар Лигасининг чорак финал жавоб учрашуви доирасида Мюнхеннинг «Бавария» ва Мадриднинг «Реал» жамоалари ўртасидаги баҳс якунланди. Учрашув мюнхенликларнинг 4:3 ҳисобидаги ғалабаси билан якунланди.
«Реал» яримҳимоячиси Арда Гюлер учрашувнинг биринчи дақиқасидаёқ мюнхенликлар дарвозабони Мануэль Нойернинг хатосидан унумли фойдаланиб, ҳисобни очди. Меҳмонлар вакили Александр Павлович 6-дақиқада мувозанатни тиклади. Гюлер 29-дақиқада жарима зарбасидан унумли фойдаланиб, меҳмонларни яна ҳисобда олдинга олиб чиқди. «Бавария» ҳужумчиси Харри Кейн эса 38-дақиқада ҳисобни 2:2 кўринишига келтирди. Килиан Мбаппе 42-дақиқада мадридликларнинг учинчи голини урди.
Иккинчи бўлимнинг 86-дақиқасида «қаймоқранглилар» яримҳимоячиси Эдуарду Камавинга майдондан четлатилди. 89-дақиқада Луис Диас ҳисобни тенглаштирди. Учрашув сўнгида, 90+4-дақиқада Майкл Олисе ғалаба голини киритди.
Дастлабки учрашувда ҳам «Бавария» «Реал»ни 2:1 ҳисобида мағлуб этган эди. Шу тариқа, мюнхенликлар Чемпионлар Лигасининг яримфиналига йўлланма олди ва бу босқичда «ПСЖ» билан тўқнаш келадиган бўлишди.
Маълумот учун, 1/8 финал босқичида мадридликлар икки ўйин натижасига кўра «Манчестер Сити»ни 5:1 ҳисобида мағлуб этишган. Мюнхенликлар эса худди шу босқичда «Аталанта»ни умумий 10:2 ҳисобида тормор келтиришган эди.
