ЧЛ. «Арсенал» 90+1-дақиқада урилган гол эвазига «Спортинг»дан устун келди
УЕФА Чемпионлар Лигасининг чорак финал босқичи доирасида Лиссабоннинг «Спортинг» ҳамда Лондоннинг «Арсенал» жамоалари ўртасидаги дастлабки учрашув ўз ниҳоясига етди. Лиссабондаги «Жозе Алваладе» стадионида кечган баҳсда меҳмонлар 1:0 ҳисобида ғалабани қўлга киритишди.
Ўйинни германиялик ҳакам Даниэль Зиберт бошқариб борди. Учрашувнинг 64-дақиқасида «Арсенал» яримҳимоячиси Мартин Субименди ҳисобни очишга муваффақ бўлган эди, бироқ ушбу гол офсайд сабабли бекор қилинди. Ўйин тақдирини ҳал қилган ягона гол ҳакам томонидан қўшиб берилган вақтда (90+1-дақиқа) киритилди — ҳужумчи Кай Хаверц «канонирлар»га муҳим ғалабани тақдим этди.
Жамоалар ўртасидаги жавоб ўйини 15 апрел куни Лондондаги «Эмирейтс» стадионида бўлиб ўтади.
Маълумот ўрнида, «Спортинг» 1/8 финал босқичида «Будё-Глимт» тўсиғидан ўтган (0:3, 5:0) эди. «Арсенал» эса ярим финал йўлида Леверкузеннинг «Байер» жамоасини мағлуб этишга муваффақ бўлган (1:1, 2:0).
