YChL. «Arsenal» 90+1-daqiqada urilgan gol evaziga «Sporting»dan ustun keldi
UEFA Chempionlar Ligasining chorak final bosqichi doirasida Lissabonning «Sporting» hamda Londonning «Arsenal» jamoalari o‘rtasidagi dastlabki uchrashuv o‘z nihoyasiga yetdi. Lissabondagi «Joze Alvalade» stadionida kechgan bahsda mehmonlar 1:0 hisobidagi g‘alabani qo‘lga kiritishdi.
O‘yinni germaniyalik hakam Daniel Zibert boshqarib bordi. Uchrashuvning 64-daqiqasida «Arsenal» yarimhimoyachisi Martin Subimendi hisobni ochishga muvaffaq bo‘lgan edi, biroq ushbu gol ofsayd sababli bekor qilindi. O‘yin taqdirini hal qilgan yagona gol hakam tomonidan qo‘shib berilgan vaqtda (90+1-daqiqa) kiritildi — hujumchi Kay Haverts «kanonirlar»ga muhim g‘alabani taqdim etdi.
Jamoalar o‘rtasidagi javob o‘yini 15 aprel kuni Londondagi «Emireyts» stadionida bo‘lib o‘tadi.
Ma’lumot o‘rnida, «Sporting» 1/8 final bosqichida «Budyo-Glimt» to‘sig‘idan o‘tgan (0:3, 5:0) edi. «Arsenal» esa yarim final yo‘lida Leverkuzenning «Bayer» jamoasini mag‘lub etishga muvaffaq bo‘lgan (1:1, 2:0).
