Чичарито: «Бенземанинг ўйинини кўриш завқли эди»
«Реал»нинг собиқ ҳужумчиси Хавьер Эрнандес «Ал-Ҳилол» форварди Карим Бенземанинг классик марказий ҳужумчилардан фарқи ҳақида фикр билдирди.
«У билан янада кўпроқ вақт бирга ўйнашни истардим. У “Реал”нинг марказий ҳужумчиси бўлишга қодир эканини исботлади, кўп гол урди ва “Олтин тўп”ни қўлга киритди.
Шунга қарамай, мен уни оддий “тўққизлик” деб атай олмайман. Бу ҳурматсизлик эмас, аксинча. Мен учун у доимо Зиданга хос маҳорат ва ҳужумчи тафаккурига эга бўлган ўнинчи рақамли футболчига яқинроқ эди. Каримни “тўққиз яримлик” деб атаган бўлардим. Унинг ўйинини томоша қилиш ҳақиқатан ҳам завқли эди.
Роналду ва Бэйлнинг ўхшаш жиҳати шунда эдики, улар жуда самарали, кескин ва чаққон ҳаракат қилишарди. Икки сония ичида рақибни жазолаб қўйишлари мумкин эди.
Карим билан эса ҳаммаси бошқача эди. Ҳатто машғулотларда ҳам унинг тўп узатиши, ҳаракатланиши ва ўйин ритмини ҳис қилишини томоша қилиш жуда ёқимли эди. Шу жиҳатдан мен уни Зидан билан таққослайман», — деди Чичарито Рио Фердинанд подкастида.
