Чендлер: «Мен Конор билан жанг қиламан»
Америкалик жангчи Оқ уйда МакГрегор билан жанг қилишини маълум қилди.
ФОТО: Getty Images
Ёнгил вазн тоифасида UFC чемпионлик камарига собиқ даъвогар бўлган америкалик Майкл Чендлер Конор МакГрегор билан Оқ уйдаги UFC турнирида жанг бўлиши мумкинлиги ҳақида маълумот берди.
«Оқ уйда жанг бўлади. МакГрегор машғулотлар лагерига менинг услубимни тақлид қиладиган йигитларни жалб қилган. Мен июн ойида Оқ уйда Конор билан октагонга чиқаман — Худо ўзи мададкор бўлсин», — дейди Чендлер.
Эслатиб ўтамиз, Чендлер 39 ёшда. У охирги жангини 2025 йил апрел ойида ўтказган ва Педди Пимблеттга техник нокаут билан ютқазган.
Конор МакГрегор эса 37 ёшда. У сўнгги бор 2021 йилнинг июлида октагонга кирган — ўша жангда у оёғини синдириб, Дастин Порьега қарши баҳсни давом эттира олмаган эди.
Насрулло Каримов
Журналист