Чемпионлар Лигасидаги ғалабадан сўнг ПСЖ футболчисининг уйига ўғри тушди
ФОТО: Getty Images
Франциянинг ПСЖ клуби ярим ҳимоячиси Фабиан Руиснинг уйига икки нафар вояга етмаган жиноятчилар бостириб кирди. Бу ҳақда Le Parisien нашри хабар бермоқда.
Манбага кўра, воқеа душанба куни, ПСЖ Чемпионлар Лигаси финалида “Интер”ни мағлуб этган куннинг эртасига содир бўлган. Вояга етмаган икки нафар шахс жиноят жойида қўлга олинган.
Қайд этиш жоиз, Руис ПСЖ'нинг жиноят қурбонига айланган биринчи футболчиси эмас. 2023-йилда жамоа дарвозабони Жанлуижи Доннарумма ҳам қуролли ҳужумга учраган ва уйи талон-тарож қилиниб, 500 минг евро зарар етказилган.
Эслатиб ўтамиз, ПСЖ ўз тарихида илк бор Чемпионлар Лигасида ғалаба қозонди.
Насрулло Каримов
Журналист