Чемпионлар лигасида ҳафтанинг энг яхши футболчиси соврини учун номзодлар эълон қилинди
Ғолиб тез орада эълон қилади.
ФОТО: Getty images
УЕФА матбуот хизмати Чемпионлар лигасида ҳафтанинг энг яхши футболчиси соврини учун номзодларни маълум қилди.
Номзодлар қуйидагича: «Реал» ҳужумчиси Винисиус, «Атлетик» ярим ҳимоячиси Роберт Наварро, «Барселона» ярим ҳимоячиси Фермин Лопес ҳамда «Спортинг» форварди Луис Суарес кирди.
Винисиус «Монако»га қарши учрашувда (6:1) бир гол урди ва 3 та голли узатма амалга оширди.
Наварро «Аталанта» билан ўйинда (3:2) бир гол ва 2 та ассист қайд этди.
Фермин «Славия»га қарши баҳсда (4:2) дубль муаллифи бўлди.
Суарес эса «ПСЖ» дарвозасига икки бор йўл топди (2:1).
Розикжон Султонмуродов
Журналист