Чемпионат якунланганидан сўнг таътилга чиққан чемпион Нефтчи 3-январ куни янги мавсумга тайёргарликни бошлайди
Дастлабки ўқув-машғулот йиғини 3-январдан 21-январгача, иккинчи йиғин эса 24-январдан 11-февралга қадар ташкил этилади
photo: Neftchi FK
Чемпионат якунланганидан сўнг таътилга чиққан чемпион Нефтчи 3-январ куни янги мавсумга тайёргарликни бошлайди. Жамоамиз янги мавсум олдидан ўз олдига янада юқори мақсадларни қўйган.
Бош мураббий Исломбек Исмоилов бошчилигидаги тайёргарлик жараёни иккита хорижий йиғиндан иборат бўлади. Дастлабки ўқув-машғулот йиғини 3-январдан 21-январгача, иккинчи йиғин эса 24-январдан 11-февралга қадар ташкил этилади. Ҳар икки йиғин ҳам Туркиянинг Анталия шаҳрида ўтказилиши режалаштирилган.
Мазкур йиғинлар давомида Нефтчи Европанинг бир қатор кучли жамоаларига қарши назорат учрашувларида майдонга тушади. Ушбу беллашувлар бўйича қўшимча маълумотлар кейинроқ эълон қилинади.
Иброҳим Жалолов
Редактор